Зайсан ауданында жоспарланған жаңа мешіт құрылысы бойынша дайындық жұмыстары жүріп жатыр.

Күні кеше Зайсан қаласы мешітінің бас имамы Нұрболат Әметұлы және мешіт алқа мүшелерімен Нұр-Сұлтан қаласында жаңа мешіттің проектісін жасап жатқан мамандармен кездесу өтіп, алдағы жұмыстарды пысықтады.

- Алланың қалауымен алдағы уақытта салынатын жаңа мешіттің эскиздік жұмыстары бітті. Енді -жұмыс проектісі бойынша жұмыстар басталды. Ауданымызда салынуы жоспарланған жаңа мешітіміз де тезірек бой көтеріп, қолданысқа берілуін нәсіп етсін! Алла үйін салған адамдарға қатысты Пайғамбарымыз (с.ғ.с.) өз хадисінде былай дейді: «Кім жер бетінде Алланың үйін салуға ат салысса, Алла Тағала ол кісіге жұмақтан орын дайындайды». Ислам тарихында мешіт салу – барша пайғамбарлар шұғылданған қадірлі іс болған. Осындай сауабы мол амалды сіз бен бізге жасайтындай береке-бірлік, күш-қуат берсін! – деп жазды мешіттің әлеуметтік желідегі парақшасында.