Көп ұзамай Катонқарағай ауданының орталығы Үлкен Нарында туристерге арналған ақпарат орталығы ашылмақ. Осылайша ТАО (туристік ақпарат орталығы) өңірге аяқ басқан барша қонақтарға мейлінше толыққанды ақпарат беретін нысанға айналады.

- Біз оны Үлкен Нарын ауылының шетінен өтетін күре жолдың бойына салуды жоспарлап отырмыз. Оның үстіне аудандық автобус бекеті де сол жерде орналасқан. Ғимараттың көрнекі жерде салынғаны өте ыңғайлы болмақ. Ішінде туристердің мұқтаждығын өтейтін не керектің бәрі болады, - деді ауданның жас әрі жаңа басшысы Ділдар Қалиқан.