Өскемен қаласындағы №17 мектептің оқушылары облыстық Төтенше жағдайлар департаментінің мамандандырылған жасағына барды, деп хабарлайды  Altainews.kz тілшісі.

Өрт сөндіруші-құтқарушылар жас қонақтарына өрттің шығу себептері туралы айтып, сын сағатында өзін қалай ұстау керектігін түсіндірді, шұғыл қызметтердің телефон нөмірлерін еске салды. Балалар үшін өрт сөндіру депосына экскурсия ұйымдастырып, өз мамандықтары туралы егжей-тегжейлі әңгімелеп берді. Оқушылар тіпті өрт сөндірушілердің жауынгерлік киімдерін киіп, нағыз өрт сөндіру машинасына отырды.

Балалар мен тәрбиешілер болса, өздеріне керемет эмоция сыйлаған құтқарушыларға алғыс айтып, өрт қауіпсіздігі ережелерін қатаң сақтауға уәде берді.

Облыстық ТЖД-ның баспасөз қызметінен хабарлағандай, оқушылармен мұндай кездесулердің маңызы зор. Себебі, өскелең ұрпақ кез келген дүниені секілді қауіпсіздік ережелерін де жылдам есте сақтап үйренеді.

Нұржан Кенжеұлы