Еңбек және халықты әлеуметтік қорғау Министрлігі баспасөз қызметінің мәліметінше, елімізде көші-қон ресурстары порталы іске қосылды.

Бұл портал - migration.enbek.kz, елге келген шетел азаматтары туралы ақпаратты орталықтандырылған басқаруға арналған құралдарды біріктіреді, сондай-ақ көші-қон саласында көрсетілетін мемлекеттік қызметтердің сапасын арттыруға мүмкіндік береді, деп хабарлайды Altaynews.kz тілшісі.

Шетел азаматтары туралы ақпараттарды орталықтандыру көші-қон процестерінің әртүрлі кезеңдерін үйлестіреді, оларды өңдеу мерзімдері мен шығындарын қысқартады.

Порталда көші-қон саласындағы мемлекеттік қызметтердің кең спектрі қолжетімді: «Қандас» мәртебесін беру, қоныс аударушылар мен қандастарды қабылдаудың өңірлік квотасына енгізу, «Ата жолы» картасын беру, пана іздеп жүрген адамның куәлігін алу және тағы да басқа қызметтер.

Aйжанат Бақытқызы