Банктік картаны басқа адамға берсеңіз – жауапқа тартылуыңыз мүмкін
Фото: stock.adobe.com
Енді өзіңіздің банк картаңызды немесе шотыңызды басқа адамға бергеніңіз үшін қылмыстық жауапкершілік қарастырылған. Бұл туралы ҚР Ішкі істер министрлігі ресми түрде ескерту жасады, деп хабарлайды Altainews.kz тілшісі.
Министрліктің мәліметінше, Қылмыстық кодекске жаңа 232-1-бап енгізілген. Онда карта немесе банк шотын сыйақы үшін, пайда табу мақсатында немесе бөтен адамға беріп, сол арқылы ақша аударымдарын жасау – заң бұзу болып есептеледі.
— Қарапайым тілмен айтқанда, біреуге картаңызды беріп, ол адам оны алаяқтыққа пайдаланса, сіз де сол қылмысқа қатысыңыз бар адам ретінде жауап бересіз. Кейбір азаматтар мұны түсінбей, «жәй ғана көмектестім» деп ойлайды. Бірақ бұл іс-әрекет қазір заң бойынша қатаң қудаланады, — дейді ІІМ мамандары.
Мұндай жағдайларда банк деректері қылмыстық жолмен келген ақшаны заңдастыруға немесе басқа адамдарды алдауға пайдаланылады. Сондықтан мамандар кез келген ұсынысқа сақтықпен қарауға кеңес береді.
— Банк картаңыз – жай ғана пластик емес, бұл сіздің мүлкіңіз, қауіпсіздігіңіз және заң алдындағы жауапкершілік. Оны ешкімге беруге болмайды. «Жеңіл ақша табамыз» дегендерге сенбеңіз. Егер күмәнді жағдайға тап болсаңыз, дереу банкке немесе полицияға хабарласыңыз, — деп ескертті Ішкі істер министрлігі.
Оқи отырыңыз
Интернет-алаяқтықпен күрес: дропперлер қылмыстық жауапкершілікке тартыладыЕсірткі және адам саудасы қарапайым азаматтардың есепшорттары арқылы жүргізілгенШҚО-да «Suńqar» мезеттік төлемдер жүргізу жүйесі жұмыс істей бастадыЕнді жәрдемақыны алу үшін ешқайда барудың қажеті жоқ – бәрі автоматты түрде беріледіБанктердің мобильді қосымшаларында жаңа жүйе пайда болды. Қызметі қандай?
