Балалардың терезеден құлауының алдын алу мақсатында Өскемен қалалық ТЖБ және ШҚО ТЖД құтқарушылары арнайы акция өткізді.

«Тоқта, балақай!» атты арнайы акция шеңберінде мамандар көпқабатты үйлердің терезелеріне қорғаныс құрылғыларын орнатты, деп хабарлайды Altaynews тілшісі.

Ал психолог жазатайым оқиғаға ата-аналардың әрекеті де себеп болады дейді.

Құтқарушылар осы акция арқылы тұрғындарды балалар қауіпсіздігіне қатысты мәселелерді түсініп, оның алдын алуға шақырды.

ШҚО ТЖД  үйде бала болған кезде терезелерді ашық қалдырмау керектігін, терезе тұтқасын бала өзі ашып ала алмайтындай етіп құлыптау керектігін еске салады. Сонымен қатар терезе оңай ашылмауы үшін арнайы қорғаныс механизмін орнатқан жөн. Бала терезеге шықпау үшін жиһаздарды терезеден алыс қою керек. Мамандар балаға терезе алдындағы тақтайшаға шығуды үйретпеу керектігін де ескертті. Балаларды қараусыз қалдырмау, балконға, терезеге шықпауын қадағалау маңызды. ШҚО ТЖД москит торы баланы құлаудан құтқармайтынын да ескертеді.

Төтенше жағдай кезінде «112» телефон нөміріне хабарлау керек.