Отбасы күніне орай 8 қыркүйекте ШҚО Полиция департаментінде эстафета жарысы өтті. Шараға ішкі істер органдарының қызметкерлері мен олардың жанұялары қатысты.

Шара күш, ептілік, төзімділікті қалыптастыруға, балалар мен ересектерге салауатты өмір салтын насихаттауға бағытталған, деп хабарлайды Altaynews тілшісі.

Жарысқа 13 отбасы қатысты. Командалар кедергі арасымен, доппен жүгіру, секіру сынды эстафеталарда бақ сынасты.

Жарыс қорытындысы бойынша 1-орынды Ұлан АПБ атынан қатысқан Тоқтаровтар отбасы, 2-орынды ШҚО ПД патрульдік полиция батальонының атынан қатысқан Сайрановтар отбасы, 3-орынды Тарбағатай АПБ намысын қорғаған Зекеновтер отбасы алды. Өзге қатысушыларға да түрлі номинациялар табысталды.