ШҚО-да денсаулық сақтау, жол құрылысы, білім беру, көмір сату және тағы да бірқатар салаларда сыбайлас жемқорлық жағдайлары жиі кездеседі екен.

Бұл туралы дәл қазір облыстық әкімдікте өтіп жатқан ҚР Сыбайлас жемқорлыққа қарсы іс-қимыл Агенттігінің Қоғамдық кеңесінің отырысында Агенттіктің басшысы Асхат Жұмағали айтты, деп хабарлайды  Altaynews тілшісі.

Агенттік қазір заңсыз шығарылған активтерді шетелдерден қайтару мәселесіне ерекше назар аударып отыр екен. Ведомство басшысының айтуынша, 1,5 жыл ішінде елімізге Еуропа мен БАӘ-нен 800 миллиардтан астам қаржы қайтарылыпты.

ШҚО әкімі Ермек Көшербаев Қазақстанның сыйбайлас жемқорлықпен күреске салып жатқан бар күші халықаралық деңгейде мойындалғанын айтып өтті.

Аймақтағы сыйбайлас жемқорлықтың алдын алу бойынша жұмыстың жарқын үлгісі ретінде мемлекет бақылау жүргізіп отырған Риддер ЖЭО-дағы жөндеу жұмыстарына қатысты жағдайды атауға болады. Облыс әкімдігі Үкіметтен жөндеу жұмыстарына бөлінген қаражаттың мақсатына сай жұмсалуын қадағалап отыр.