ШҚО-да Шемонаиха ауданы бағытындағы тас жол жабылды, деп хабарлайды Altainews.kz тілшісі. 

«КАЖсервис» ЖШС ШҚО филиалының ақпараты бойынша, бүгін сағат 14.30-дан бастап ауа райының нашарлауына байланысты республикалық маңызы бар «Өскемен-Шемонаиха-РФ шекарасы» тас жолының 15-102 шақырымындағы Глубокое кенті-Шемонаиха қаласы учаскесі  көліктің барлық түрлері үшін жабылды. 

Естеріңізге сала кетейік, бүгін Шығыс Қазақстанда қатты боран, жел және температураның төмендеуі салдарынан дауылды ескерту жарияланды.

Айжанат Бақытқызы