ШҚО «ҚазАвтоЖол» филиалының мәліметінше, 22 қаңтар күні сағат 15:30-дан бастап ауа райының нашарлауына байланысты (көріну деңгейінің төмендеуі, бұрқасын және қатты жел) республикалық маңызы бар «Өскемен – Семей» автожолының 10-103 шақырым аралығында (Герасимовка ауылы – Абай облысының шекарасы) барлық көлік түрлері үшін қозғалыс уақытша жабылды,- деп хабарлайды Altainews.kz тілшісі.

Төтенше жағдайлар қызметі тұрғындардан қауіпсіздік шараларын сақтауды және қажет болмаған жағдайда жолға шықпауды сұрайды. Ауа райы жағдайының тұрақтануына қарай жол қайта ашылады.

Жол қозғалысы туралы қосымша ақпарат алу үшін 112 нөміріне хабарласыңыз.