ШҚО-да ер адам өрт кезінде күйік алды
Фото: ШҚО ТЖД
Глубокое ауданының Белоусовка ауылында оқыс жағдай орын алды, деп хабарлайды Altainews.kz тілшісі.
ТЖД мәліметі бойынша, барак үлгісіндегі бір қабатты үйдегі пәтерлердің бірінен өрт шыққан.
Жану алаңы 20 шаршы метрді құрады. Өрт сөндіру бөлімі қызметкерлерінің жедел әрекеті арқасында өрттің басқа пәтерлерге таралуына жол берілмеді.
ТЖД мәліметі бойынша, өрттің тұтануына пешті пайдалану кезінде өрт қауіпсіздігі талаптарын сақтамау себеп болған.
Куәгерлер өрт кезінде ер адам зардап шеккенін айтты. Бұл ақпаратты ШҚО денсаулық сақтау басқармасы растап отыр.
- Жәбірленуші беттің бірінші дәрежелі термиялық күйігін алды. Алайда ауруханаға жатудан бас тартты, - деп түсіндірді денсаулық сақтау басқармасының баспасөз қызметі.
Айжанат Бақытқызы
Оқи отырыңыз
