Шығыста тағы қар жауады – Қазгидромет
Фото: Wirestock/Freepik
Наурыздың 12-сі мен 17-сі аралығында Шығыс Қазақстан облысының аумағындағы тұрақсыз ауа райы сақталады.
Бұл туралы Өңірлік коммуникациялар қызметінде өткен брифингке қатысқан «Қазгидрометтің» Шығыс Қазақстан және Абай облыстары бойынша филиалы гидрология бөлімінің бастығы Іңкәр Асқарова мәлім етті, деп хабарлайды Altainews.kz тілшісі.
– Алдағы бір апта көлемінде облыста қар аралас жаңбыр жауып, күндізгі және түнгі ауа температурасы төмендейді. 12-13 наурызда Алтай, Ұлан, Шемонаиха, Глубокое, Катонқарағай, Марқакөл аудандары мен Риддер қаласында қалың қар жауады деп күтілуде. Ал 14 пен 17 наурыз аралығында өзге өңірлердегі де ауа райы жауын-шашынды болады. Тек 18-20 наурызда жауын-шашынсыз ауа райы болжанады, – деп мәлім етті І.Асқарова.
Оның айтуынша, 12-17 наурыз аралығында түнгі ауа температурасы +6-дан –15 градусқа дейін төмендейді. Ал күндіз сынап бағанасы +10 мен –8 градус аралығында ауытқиды. Айдың үшінші онкүндігінде жауын-шашын көбінесе жаңбыр мен қар түрінде болады, дегенмен, ауа температурасы біртіндеп көтеріле бастайды.
Оқи отырыңыз
