Өскеменде 84 адамның ақшалай қаражатын иемденіп кеткен құрылыс компаниясының басшысына қатысты қылмыстық іс аяқталуға жақын.

ШҚО бойынша экономикалық тергеп-тексеру Департаменті Мемлекет басшысының тапсырмасын орындау мақсатында үлескерлік құрылыс объектілеріне мониторинг жүргізіп, нәтижесінде облыс орталығындағы үш көп қабатты тұрғын үйді салушы ЖШС-нің проблемалық құрылыс салушы екенін анықтаған, деп хабарлайды Altainews.kz тілшісі.

Тұрғын үйді салу үшін ақша қаражаты «Ертіс»  ӘКК АҚ арқылы бөлінген.

Аталған компания үлескерлік құрылысқа салуға рұқсаты жоқ бола тұра үлескерлердің ақшасын пәтерлерді алдын ала брондау ретінде үй алуға тартқан .

Азаматтардың сенімін пайдалана отырып, компания сомасы 1 млрд 118 млн теңгені құрайтын 84 адамның ақшалай қаражатын иемденіп кеткен. ЖШС басшысы былтыр қамауға алынған болатын. Қылмыстық іс аяқталуға жақын.