ШҚО-дағы үздік ауыл мектебінің екі оқушысы ЖОО грантын жеңіп алды

27.04.2024, 11:00 72 Назерке Каримова

Ұлан ауданы Р. Мәрсеков атындағы орта мектептің 11-сынып оқушылары Алматыдағы СДУ-дың грантын жеңіп алды.

Айта кетейік, Р. Мәрсеков атындағы орта мектебі 2023 жылдың «Үздік ауыл мектебі» атанған, деп хабарлайды Altainews.kz тілшісі.

Алматыдағы Сүлеймен Демирел атындағы университеті (SDU) жыл сайын өткізетін SPT олимпиадасынан Қуаныш Мұхаметжан мен Сырым Жандосұлы жеңіспен оралды.

– Олимпиаданың екі кезеңінен жинаған 82 балмен грантқа ие болдым. Сүлеймен Демирел университетінің «құқықтану» мамандығына түсуді мақсат етіп едім. Сол қалауым орындалғанына қуаныштымын, – дейді Сырым Жандосұлы.

Ал олимпиададан 83 балл алған екінші грант иегері Қуаныш Мұхаметжан ҰБТ да тапсырып, «халықаралық құқық» мамандығына түсуге ниетті.

Ұлан ауданындағы Р. Мәрсеков орта мектебі «Ауыл мектебі рowered by NIS» жобасына 2019 жылы қосылды. Мониторинг нәтижесі бойынша қазір мектептегі білім сапасы жақсарып, облыстық және республикалық олимпиада жеңімпаздарының саны екі есеге артқан.

– Балаларымыз жүлделі орындарға ие болған олимпиадалардың қорытындысы бойынша біз «2023 жылдың үздік ауыл мектебі» атандық. Бұл – бәріміздің ортақ жеңісіміз. Жоба аясында жасалған бағдарлама мен оқу жоспарларының арқасында мақсатымызға жеттік, – дейді мектеп директорының орынбасары Қарлығаш Ілиясова.

Оқи отырыңыз

Шығысқазақстандық оқушылар республикалық олимпиададан жүлделі оралды Жамбыл атындағы ШҚ облыстық мектеп-гимназиясының 11-сынып оқушысы КАСУ-дың грантын ұтып алды Аягөзде үздік ауыл мұғалімі анықталды Эльмира грант жеңіп алды Екінші ауысым оқушылары да қашықтықтан оқиды – ШҚО

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу

« мамыр 2024 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31