ШҚО әкімі Ермек Көшербаев Ертіс шахтасында қаза тапқан жұмысшылардың отбасыларына барып, көңіл айтты, деп хабарлайды Altainews.kz тілшісі.

Кеше қаза тапқан жұмысшылардың екеуі «Шығыстүстімет» ЖШС қызметкерлері, екеуі мердігер ұйымдардың қызметкерлері. Тағы бір жұмысшы зардап шегіп, ауруханаға жатқызылды.

Облыс басшысы оқиға орнында жауапты сала өкілдері жүргендерін, арнайы комиссия қайғылы жағдайдың мән-жайын анықтап жатқанын атап өтті.

Өңір басшысы Ермек Көшербаевтың айтуынша, қаза тапқандардың отбасыларына барлық қажетті көмек көрсетіледі.

Естеріңізге сала кетейік, 31 тамызда шамамен сағат 17.30 Ертіс шахтасында Ертіс шахтасының екі қызметкерінің және мердігер ұйымның екі қызметкерінің мәйіттері табылған болатын. Болжам бойынша олар газбен уланған.

Ал бүгін KAZ Minerals тобы 1 қыркүйекке қараған түні Артемьев шахтасында тастың құлауы салдарынан мердігер ұйымының үңгушісі жарақат алып, қайтыс болғанын мәлімдеді.