Алтай ауданындағы Ермаковка ауылында күнбағыс жинау жұмыстары кезінде «Есіл-760» комбайны өртенді, деп хабарлайды Altainews.kz тілшісі Шығыс Қазақстан облысы Төтенше жағдайлар департаментінің баспасөз қызметіне сілтеме жасап.

Келген өрт сөндірушілер 20 шаршы метр аумақтағы өртті ауыздықтады. Зардап шеккендер жоқ.

Шығыс Қазақстан облысы Төтенше жағдайлар департаменті егіс алқаптарына тартылған жұмысшыларға өрт қауіпсіздігі бойынша оқу курстарынан өтуді ұсынады және комбайнда өртсөндіргіштің, өзге де өрт сөндіру құралдарының болуы керектігін ескертеді.