Шығыс Қазақстанда халықтық спорт ойындары қайта жанданады
Шығыс Қазақстан өңірінде ұлттық спорт түрлері қанат жайып келеді. Әсіресе, бағзыдан жеткен баба дәстүр – құсбегілік пен атбегілікке қызығушылық жорғары, деп хабарлайды Altainews.kz тілшісі.
– Былтыр Ұлан ауданының Бозанбай ауылында «Шығыс Салбурыны» халықаралық фестивалі өткізілді. Бұл дүбірлі додаға Қырғызстан, Түркия, Моңғолия, Қытай, Ресей елдерінің өкілдері қатысты. Сондай-ақ Биыл ақпанда дәл осы ауылда бүркітшілердің ел чемпионаты, наурызда құсбегіліктен тоғызқұмалақтан біріншілігі өткізілді. Халықтың ұлттық спортқа қызығушылығы жоғары, – деп атап өтті Шығыс Қазақстан облыстық денешынықтыру және спорт басқармасының басшысы Асқар Можанов.
Қазір облыста 17 мыңнан астам адам ұлттық спортқа ден қойған, олардың басым үлесі ауылды жерде тұрады.
Басқарма басшысының хабарлауынша, бұқаралық спортты дамытудың іс-шаралар кешеніне сәйкес биыл ұлттық және бұқаралық спорт түрлерін дамытуға басымдық берілмек. Оның ішінде әсіресе ерекше кейінгі бірнеше жыл бойы өткізілмей қалған халықтық спорт ойындарының қайта жаңғыруын атап өткен орынды. Сондай-ақ «Сәулетай» балалар ойындары мен мемлекеттік қызметкерлер арасында спартакиада өткізу сияқты бірқатар маңызды іс-шаралар бар.
Оқи отырыңыз
