Риддер тұрғындарына жылу биыл мерзімінен бұрын берілді
Биыл Риддер қаласының тұрғындарына жылу 26 қыркүйекте, яғни жоспарланған мерзімнен бұрын берілді. Алайда, 4 қазанда әлі жөнделмеген учаскеде апат орын алды, деп хабарлайды Altainews.kz.
— Барлық қызметтер жедел әрекет етіп, апатты тез арада жойды. Сол күні ауа температурасы 16 градус болды. Риддер қаласындағы Семенов көшесіндегі екі нысанда тоғыз сағат бойы жылу болмады, — деп мәлімдеді ШҚО әкімі Ермек Көшербаев облыстық мәслихат сессиясында.
Қазіргі уақытта Риддерде қысқы дайындық аясында халыққа қажетті көмірдің 83%-ы, ал бюджеттік мекемелерге 100%-ы дайындалды. Жалпы, Риддерде қысқы маусымға дейін 19 шақырым жылу желісі жөнделді.
Оқи отырыңыз
