Astana Hub халықаралық технопаркінің резиденті, қазақстандық Call2action.ai стартабы АҚШ нарығында өз әлеуетін дәлелдеп, қарқынды дамып келеді. Генеративті жасанды интеллект (GenAI) негізіндегі бұл инновациялық шешім тасымал және логистика салаларындағы жұмысқа алу процесін автоматтандыруға бағытталған.

Жобаға АҚШ-тың 40-тан астам транспорттық компаниясы қызығушылық танытты. Олардың екеуі коммерциялық негізде серіктеске айналса, үшеуі пилоттық жобаларды іске асыруда.

Call2action.ai — жұмысқа алу процесін барынша тиімді және ыңғайлы ететін SaaS-шешім. Бұл құрал тасымал мен логистика саласында қызметкерлерді іріктеуді автоматтандырып, компанияларға уақыт пен ресурстарды үнемдеуге мүмкіндік береді.

Стартап өз гипотезасын сәтті дәлелдеп, алғашқы кезеңде-ақ тұтынушылар мен серіктестер арасында жоғары қызығушылыққа ие болды. Бұл нәтижелер Call2action.ai командасының АҚШ нарығында инвестиция тарту және венчурлық қорлармен келіссөздер жүргізу мүмкіндігін арттырды.

Стартаптың жетістіктері бірқатар маңызды нәтижелермен ерекшеленеді:

АҚШ-тың 40-тан астам транспорттық компаниясы өнімге қызығушылық білдірді.
Екі компания коммерциялық клиентке айналды. Үш компаниямен пилоттық жобалар басталды. Стартап Mitsui Group және Persol Group сияқты ірі корпорациялардың назарын аударды.

Call2action.ai бас директоры Ерсұлтан Джусакинов:

Call2action.ai АҚШ-тағы инновациялық экожүйеге белсенді түрде кірігіп, Silkroad Innovation Hub және басқа да ірі хабтармен ынтымақтастықты дамытып келеді. Стартап командасы жұмысқа алу процесін автоматтандыру саласында жаһандық көшбасшы болуды мақсат тұтып отыр. Алғашқы жетістіктер жобаның қарқынды өсуіне және болашағына деген зор сенім қалыптастырады.

Call2action.ai — қазақстандық стартаптардың халықаралық аренада табысқа жетуінің жарқын үлгісі.