"Қазгидромет" Шығыс Қазақстан облыстық филиалының мәліметінше, 22 қарашада түнде облыстың солтүстігі мен шығысында кей жерлерде қатты қар жауып, бұрқасын күтіледі. Батыс және солтүстік аймақтарда көктайғақ болуы мүмкін. Түнде және таңертең облыстың шығысында тұман түседі. Жел оңтүстік-батыстан солтүстік-батысқа ауысып, батыс және солтүстік өңірлерде жылдамдығы 15-20 м/с-ке дейін күшейеді.

Егер көлігіңіз қыс мезгілінде жүруге бейімделмеген болса, елді мекендерден тыс сапарға шықпағаныңыз жөн.

Жолға шықпас бұрын мына заттарды дайындап алыңыз:

• Сүйрейтін арқан;
• Жанармай қоры;
• Күрек;
• Қол шам;
• Алғашқы медициналық көмек қобдишасы;
• Жылы киім;
• Азық-түлік;
• Қосымша шамдар.

Бұдан бөлек, жылдамдық режимін сақтаңыз. Қауіпті аймақтардан аулақ болыңыз. Көктайғақтан жарақат алудың алдын алу шараларын қабылдаңыз.

Желден қорғау шаралары:

• Желдің қатты екпінінде ғимарат ішіне тығылыңыз.
• Үзілген сымдарға, тербелмелі маңдайшаларға жақындамаңыз.
• Үйлердің қабырғаларында, аялдамаларда, жарнама тақтайшаларының жанында және ағаштардың астында тұрмаңыз.
• Автокөлікті шіріген, жалғыз тұрған ағаштардың жанына қоймаңыз.

Егер төтенше жағдай орын алса, 112 нөміріне хабарласыңыз.

ШҚО Төтенше жағдайлар департаментінің баспасөз қызметі