Қазақстан Жазушылар одағы көрнекті жазушы Қабдеш Жұмаділовтің құрметіне арналған "Алдаспан" атты халықаралық роман байқауын жариялады,- деп хабарлайды Altainews.kz тілшісі informburo.kz порталына сілтеме жасап.

Үздік роман авторына 5 миллион теңге сыйақы беріледі. Бұл байқауға Қазақстан мен шет елдердегі  жазушылар қатыса алады. Байқауға қатысушылардың жасына және роман көлеміне ешқандай шектеу қойылмайды, бірақ шығармалар тек қазақ тілінде қабылданады.

Байқау талаптары:

• Шығармалар электрондық форматта, Microsoft Word файлында қабылданады.
• Қаріп: Times New Roman, өлшемі: 14, жол аралығы: 1 интервал.
• Бұрын жинақтарда, мерзімді басылымдарда, сайттарда немесе әлеуметтік желілерде жарияланған, сондай-ақ басқа байқауларға ұсынылған шығармалар қабылданбайды.
• Шығармаларды жіберу үшін jazushylar_odagy@mail.ru электрондық поштасын пайдалану қажет.

Өтінімдерді қабылдау мерзімі: Шығармалар 2025 жылдың 15 наурызына дейін қабылданады. Жеңімпаздар 2025 жылдың 21 наурызында марапатталады.

Байқаудың үздік деп танылған 3 романы жеке кітап болып басылып шығады. Үздік роман авторына "Алдаспан" төсбелгісі, диплом, 5 миллион теңге көлемінде қаржылай сыйлық берілмек.