Шығыс Қазақстан облысы әкімдігінің кезекті отырысында өңір басшысы Нұрымбет Сақтағанов жасыл желек отырғызу, абаттандыру және экологиялық ахуалды жақсарту мәселелеріне ерекше тоқталды. Ол бұл бағыттағы жұмыстардың жүйелі және тұрақты болуын талап етті, деп хабарлайды Altainews.kz тілшісі.

Жиында айтылған басты мәселе – өңірлерді көгалдандыру. Әсіресе, облыс орталығы мен ірі елді мекендердің жасыл желекке орануы – тек көркемдік қана емес, табиғат пен адам денсаулығының кепілі екені атап өтілді.

Облыс әкімінің айтуынша, еліміздің Атырау, Маңғыстау, Қызылорда сияқты өңірлерінде топырақтың құнарлығы төмен, сонда да ол жақта жасыл желек салынып жатыр. Шығыстағы табиғат жағдайы анағұрлым қолайлы болғандықтан, бұл мүмкіндікті барынша тиімді пайдалану қажет.

Бұл тапсырманың орындалуы – тек әкімдіктер мен мекемелердің емес, әрбір азаматтың азаматтық парызы.