2025 жылдың 26 наурызында Өскемен қаласында терроризмге қарсы оқу-жаттығу өткізіледі, деп хабарлайды Altainews.kz тілшісі.

Бұл шараның негізгі мақсаты – террористік тұрғыдан осал нысандарда туындауы мүмкін түрлі төтенше жағдайларға жедел әрекет ету дағдыларын жетілдіру.

Оқу-жаттығу барысында қауіпсіздікті қамтамасыз ету мақсатында белгілі бір шектеу шаралары енгізіледі. Оның ішінде кейбір көшелерде автокөлік қозғалысы уақытша жабылады.

Қала тұрғындары мен қонақтарынан бұл шараларға түсіністікпен қарап, қауіпсіздік талаптарын сақтауды және тартылған мемлекеттік органдардың заңды нұсқауларын орындауды сұраймыз.

Терроризмге қарсы күрес жөніндегі Шығыс Қазақстан облыстық жедел штабы