Өскемен қаласында ШҚО архитектуралық-этнографиялық және табиғи-ландшафтты музей-қорығының қызметкерлері ұйымдастырған «Отбасылық құндылықтар үйлесімі» атты танымдық-ойын бағдарламасы өтті.

Іс-шара Қ. Қайсенов атындағы саябақта өтіп, музейдің жас мамандары мен олардың отбасыларын бір шаңырақ астына жинады. Бағдарламаның мақсаты – ата-аналар мен балалар арасындағы сенімді қарым-қатынасты нығайту, отбасылық жауапкершілікке тәрбиелеу. Бұл идея «Әке – тірек, ана – жүрек» қағидасымен тығыз байланысты.
Қатысушылар қазақтың «Тақия», орыс халқының «Матрёшка», украиндардың «Төрт табиғи күш» сияқты ұлттық ойындары мен викториналарға қатысып, отбасылары туралы өлеңдер айтып, дәстүрлерімен бөлісті.

Іс-шара аясында Қазақстанда тұратын әртүрлі ұлт өкілдерінің отбасылық құндылықтары мен дәстүрлеріне ерекше мән берілді. Бұл – тек ойын емес, ұрпаққа мәдени мұраны жеткізудің жарқын үлгісі. Шара «Қазақстан балалары» тұжырымдамасы аясында өтті.