Катонқарағай ауданы арқылы өтетін республикалық автожол бойындағы автобус аялдамаларын жаңарту жұмыстары жалғасуда. Бірқатар елді мекендерде заманауи жаңа павильондар орнатылып, бұрыннан бар аялдамалар жөнделіп, абаттандырылып жатыр, деп хабарлайды  Altainews.kz тілшісі.

Жұмыстар жолаушылардың жайлылығы мен қауіпсіздігін қамтамасыз етуге баса назар аудара отырып жүргізілуде. Барлық аялдамалар қоршалған, бұл малдың кіруін болдырмауға, тазалық пен тәртіпті сақтауға мүмкіндік береді.

Жаңартылған павильондар ауа райынан қорғайды және шалғай ауыл тұрғындары үшін қоғамдық көлікті күту процесін әлдеқайда ыңғайлы етеді.