Өскеменде қала күні мен Конституция күніне орай алғаш рет «Шырға тарту» жарысы ұйымдастырылды. Қазақы тазы тұқымдарының бұл додасы «бап шаба ма, бақ шаба ма» дегендей, иттердің де, итбегілердің де шеберлігін сынады. Жарыс қаланың шетіндегі Ахмер ауылының жазығында өтті, деп хабарлайды Altainews.kz тілшісі.

Жарысқа келген тазылардың дайындығы жоғары. «Ұшқан құс, жүгірген аң құтылмайды» дегендей, әрбір итбегі өз құмайына сенім артты. Солардың бірі – «Лашын» атты тазысымен келген Назым Тұрсымбаева.

«Шырға тарту» сайысында тазылар бір шақырым қашықтықта бақ сынады. Желдей жүйрік жануарлардың шабысы көз ілестірмес жылдам, мәресі қысқа болды. Ұйымдастырушылардың айтуынша, мұндай жарыс – иттердің бапталуы мен иелерінің еңбегін айқындайтын үлкен сынақ.

Фото: Александр Шушеньков