«AMANAT» партиясы  филиалының «TALQYLAU» диалог алаңында Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы талқылақылады.
Диалог алаңында облыс тұрғындары өздерін толғандырған сұрақтарды қойып, жауап ала алды. Шалғай аудан тұрғындарына да ыңғайлы болуы үшін әлеуметтік желіде тікелей эфирлер жүргізілді, деп хабарлайды Altaynews тілшісі.

Ал, сарапшылар шағын және орта бизнесті дамыту бойынша қолға алынып жатқан мемлекеттік бағдарламалардың тиімділігі мен олқылықтары бойынша сарапшылар өз пікірлерін білдірді.

Мәселен, «Ертіс ӘКК» АҚ өкілі Танат Сағатұлы ауыл тұрғындарын кәсіпке тарту, жеке қосалқы шаруашылықтарын дамыту есебінен кірістерін көбейту мақсатында Үкімет тарапынан қолға алынған «Ауыл аманаты» бағдарламасы туралы ақпарат берді.

Жалпы «TALQYLAU» диалог алаңының міндеті – мемлекеттік органдар, саяси партиялар, азаматтық қоғам өкілдері арасында сындарлы диалог құруды қалыптастыру. Сондай-ақ жергілікті жерлерде партияның жұмысын жандандыруға, жаңа сапалы сарапшылардың ағынын қамтамасыз ету болып табылады.