Қазақстан Республикасы Сыртқы істер министрінің орынбасары Әлібек Бақаев пен Қазақстандағы Еуропалық Одақ өкілдігінің басшысы Кестутис Янкаускастың кездесуі барысында тараптар консулдық саладағы ынтымақтастықтың бірқатар мәселелерін, атап айтқанда, ҚР азаматтары үшін ЕО елдерінің визалық режимін жеңілдету бойынша консультациялардың екінші раундын өткізуді талқылады, деп хабарлайды Altaynews.kz сайты Nur.kz порталына сілтеме жасап.

Еуропалық визалық режимді жеңілдетудің негізгі кезеңдері:

• визаға беру үшін құжаттардың бірыңғай тізімін енгізу;
• консулдық алымдарды азайту;
• өтінімдерді қарау мерзімдерін қысқарту;
• бірнеше визалардың қолданылу мерзімін ұлғайту.

Келіссөздер қорытындысы бойынша консулдық салада ҚР мен ЕО арасындағы достық қатынастарды одан әрі нығайту туралы уағдаластыққа қол жеткізілді.

Естеріңізге сала кетейік, 2023 жылдың қазан айында ҚР СІМ ресми өкілі Айбек Смадияров еуропалық тараптың қазақстандықтар үшін визалық режимді жеңілдету мүмкіндігі туралы айтты. Оның айтуынша, еуропалық тарап қазақстандықтарға виза алуды жеңілдететін уағдаластыққа қол жеткізілді. Кейінірек желтоқсан айында СІМ Қазақстанның ЕО-мен визалық режимін жеңілдету туралы егжей-тегжейлі айтып берді.

Айна Ескенқызы