Өскеменнің іргесіндегі 200-ден астам үйге су тартылады
фото: depositphotos.com
Өскемен қаласының шағын аудандары барлық қажетті инфрақұрылыммен қамтамасыз етілетін болады. Бұл туралы қала әкімінің орынбасары Арман Искаков айтты, деп хабарлайды Altainews.kz тілшісі.
Сондай бағыттың бірі – тұрғындарды таза ауызсумен қамту. Қала әкімі орынбасарының айтуынша, биыл Лесхоз кентіне су құбырын тарту жұмыстары басталады. Бұл 197 үйде тұрып жатқан 600-ге жуық адамды сумен қамтамасыз етуге мүмкіндік береді.
– Аталған бағыттағы жұмыс ауылдың қала құрамына енуінен басталды. Красин кентіндегі желілерді қайта құру коммуникацияларды Лесхозға дейін ұзартуға жол ашады, – деп түсіндірді А.Искаков.
Оның айтуынша, дәл осындай жұмыстар Халықтар достығы көшесі бойындағы жаңадан салынған жеке үйлер ауданында да жүргізілетін болады. Осының нәтижесінде тағы 34 үйге су құбыры тартылмақ.
Оқи отырыңыз
