Шығыс Қазақстан облысында  «Қолжетімді интернет» ұлттық жобасын іске асыру шеңберінде республикалық маңызы бар жолдардың бойына 30 антенна орнатылады.

Антенналар орнатылатын координаттарды талдау үшін мамандар алты шалғай ауданда көшпелі жиын өткізді, деп хабарлайды Altainews.kz тілшісі.

Сондай антенналардың бірі Тарбағатай ауданы Жаңаауыл ауылында салынбақ. Ауылдық округтегі елді мекендерді интернет байланысымен қамтамасыз ету  мақсатында 20, 25 және 60 метрлік үш  антенна құрылысы  жоспарланған. Жобалардың жалпы құны  210,5 млн теңге. 

Аудан әкімі Дархан Шомпайұлы жуықта  Жаңаауыл ауылында салынып жатқан антеннаның құрылысымен танысып қайтты.

Естеріңізге сала кетейік, өңірдің әр ауданында салынатын  антеннаның құрылыстары 2025 жылдың соңына дейін аяқталады деп жоспарланған.