Д.Серікбаев атындағы Шығыс Қазақстан техникалық университетінде оқу жылы қорытындыланып, үздік студенттер марапатталды.

«100 үздік студент - Болашақ асыл тастары» байқауы аясында жоғары оқу орнының ең үздік студенттері анықталды, деп хабарлайды Altaynews тілшісі.

Студенттер «Мәдени белсенділік», «Қоғамдық белсенділік», «Спорттық белсенділік», «Ғылыми белсенділік», «Білім белсендісі» бағыттары бойынша іріктелген.

Конкурс биылғы сәуір айының басынан маусым айына дейінгі кезеңде ұйымдастырылды. Студенттер балдық көрсеткішпен бағаланды. Жеңімпаз студенттер бағалы сыйлықтармен марапатталды.