Жаңаөзенде болған кешегі жарылыстан зардап шеккен жүкті әйел түсік тастады.

Ал өзіне ота жасалуда, деп хабарлайды Altaynews тілшісі Қазақпаратқа сілтеме жасап.

Оқиға салдарынан 13 адам орталық ауруханаға жеткізілген. 

Оның жетеуі – балалар, олар жарақатының жеңілдігіне байланысты үйлеріне қайтарылған.

Қалғандарына медициналық көмек көрсетіліп жатыр. Сонымен қатар травматологиялық бөлімге түскен орташа жағдайда күйік алған 2 кішкентай қыз ем алып жатыр.

Ал реанимация бөліміне түскен ер адамға ота жасалған.

Жалпы, жарылыстан 3 науқас ауыр халде жатыр. Оның бірі жедел жәрдеммен Маңғыстау облыстық көпсалалы ауруханасына жеткізілді. Дәрігерлердің бақылауында.

Естеріңізде болса, оқиғаға байланысты қылмыстық іс қозғалып, барлығы 4 адам қаза тапқанын жазған болатынбыз.