Абай облысында жоғалған тағы бір тракторшының денесі табылды
Абай облысындағы алапат өртті сөндіру кезінде із-түссіз жоғалып кеткен тракторшы Сергей Николаевич Архиповтың мәйіті табылды.
Ер адамның денесі қызметтік иттің көмегімен өртті сөндіру орнынан 50 шақырым жерден табылған, деп хабарлайды Altaynews тілшісі.
Сергей Архиповты оқиға орнындағылар соңғы рет 10 маусым күні көрген. Дмитриевка ауылынан бес шақырым жерде жоғалған орманшының тракторы табылған болатын.
Қызметтік ит Абай облысы ПД-нің кинологиялық есебінің құрамында іздеуге атсалысып, трактор табылған жерден орман жолағына дейінгі ер адамның ізін тапқан. Сот-медициналық сараптама тағайындалды, оның нәтижелері бойынша процестік шешім қабылданатын болады. Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің деректері жарияланбайды, дейді Абай облысының ПД баспасөз қызметі.
Оқи отырыңыз
