Бұл төтенше жағдайларға тап болған тұрғындарға арналған дабыл батырмалары, деп хабарлайды Altainews.kz тілшісі.

2021 жылы Қазақстан Республикасы Ішкі істер министрлігі «Дабыл батырмасы» аппараттық-бағдарламалық кешенін енгізу жобасын жүзеге асырды. Бұл жоба құқықбұзушылықтар жиі орын алатын жерлерде қауіпсіздікті арттыруға бағытталған. Аталған құрылғы азаматтарға төтенше жағдайларда полициямен тез байланысуға және дабыл сигналын жіберуге мүмкіндік береді.

«Батырманы басыңыз» тетігін басқан сәтте дереу Шығыс Қазақстан облысы Өскемен қаласының ПБ жедел басқару орталығы қызметкеріне қоңырау барып, байланысқа шығасыз. Сондай-ақ, жүйе оқиға орнынан аудио және бейнежазбаны тіркей алады.

Қазіргі таңда біздің қалада қоғамдық орындарда азаматтар үшін қауіпсіздікті қамтамасыз ету мақсатында бес «SOS Дабыл батырмасы» орнатылған:

1. Кабанбай Батыра көшесі («Зангар», «Ануар», «Евразия», «Котон» СҮ ауданында);
2. Теміржолшылар көшесі (теміржол вокзалы «Защита» ауданында);
3. Заречный базары мен Абай даңғылы қиылысы (орталық «Автовокзал», «Темирлан», «Даниэль», «Технодом» СҮ, «Заречный» базары, «Встреча» кафе ауданында);
4. Виноградов көшесі мен Грузинская көшесі қиылысы ( «Ивушка», «Дос-Нар» базары, «City центр» супермаркеті, «Сибинка» кафе ауданында);
5. Н. Назарбаев даңғылы (Металлургтер мәдениет үйі, Металлургтер паркі ауданында).