Облыс орталығында еліміздің түкпір-түкпірінен жиналған 130 жас спортшы өнер көрсетеді, деп хабарлайды Алтайньюс тілшісі.

«Ақпан жұлдызы» атты ШҚО ашық біріншілігі Б. Александров атындағы спорт сарайында 2 ақпан күні сағат 12.30-да басталады.

Жарысқа  Өскеменмен бірге Қарағанды, Астана, Қостанай, Шымкент, Павлодар және Алматы қалаларының спортшылары қатысады.

– Біз осындай турнирлерді жыл сайын өткіземіз. Бұл өте ірі жарыстардың бірі. Мысалы, биыл 130 жас жеткіншек қатысады. Біріншілік екі күнге созылады: сенбі және жексенбі. Салтанатты ашылуы 12.30-дан 13.00-ге дейін, жабылуы 3 ақпанда сағат 16.30-да, – дейді «Звездный» мәнерлеп сырғанау клубының өкілі.

Айта кетейік, кіру тегін. Турнир кестесін «Звездный» мәнерлеп сырғанау клубының әлеуметтік желідегі ресми парақшасынан көруге болады.