Өскеменде 10 елдің спортшылары сынға түседі
Өскеменде Олимпиада чемпионы Ольга Рыпакованың жүлдесі үшін V Халықаралық турнир өтеді. Осыған орай 10 елдің спортшылары Шығыстың бас шаһарында кездеседі, деп хабарлайды Алтайньюс тілшісі.
Жарыс 19 қаңтар күні Олимпиады чемпионының атындағы жеңіл атлетика орталығында өтеді. Бұл жылы ел саңлақтарымен бірге Тәжікстан, Украина, Қырғызстан, Өзбекстан, Грузия, Түркия, Армения, Әзірбайжан және Беларусь құрамаларының мықтылары сынға түспек.
– Бұл турнир – жас спортшылардың шыңдалар ортасы, жаңа рекордтар жасауға берілген мүмкіндік, сондай-ақ үлкен спорт мейрамы, – дейді О.Рыпакова.
Турнир сағат 16.00-де басталады.
Оқи отырыңыз
Өскеменде Ольга Рыпакова атындағы халықаралық жарыс өттіОльга Рыпакова атындағы Жеңіл атлетика манежі ашылдыБес елдің жеңіл атлеттері Ольга Рыпакованың жүлдесіне таластыЫ. Досханаұлы атындағы халықаралық гран-приде тарбағатайлық Қуаныш Мұратов «өгіз балуан» атандыРыпакова - Шығыс Қазақстаннан шыққан тұңғыш Олимпиада чемпионы