ШҚО-да дауылды ескерту жарияланды
Фото: inform.kz
ШҚО-да әлі де төтенше өрт қаупі сақталады.
"Қазгидромет" ШҚ филиалының ақпараты бойынша 16 маусымда күндіз облыстың шығысында найзағай ойнап, жел күшеюі мүмкін, деп хабарлайды Altaynews тілшісі.
Солтүстік-батыстан соққан желдің екпіні секундына 15-18 метрге жетеді.
Өңірде төтенше өрт қаупі сақталады. Сондықтан тұрғындардан қауіпсіздік шараларын сақтау қажеттілігін ескертеміз, дейді ШҚО ТЖД баспасөз қызметі.
Қатты жел, найзағай және бұршақ кезінде:
- барлық терезелерді мықтап жауып, үйде болыңыз. Үйде электр құрылғыларын пайдаланбағаныңыз дұрыс;
- сыртта жүргенде билбордтар мен шайқалып тұрған құрылымдарды айналып өтіңіз, ағаштардың жанына тығылмаңыз;
- автокөлікті гаражға қойыңыз, шатырлар мен ағаштың жанына қоймаған дұрыс.
Қауіпсіздік және өрттің алдын алу мақсатында азаматтардың орман аймағына баруын шектеу керек. Бұл кезеңде шөпті өртеуге болмайды, орманда от жағуға болмайды. Жол жиектерімен жүрген кезде көлік терезесінен сөндірілмеген темекі тұқылдарын лақтырмаңыз. ТЖ кезінде 101 және 112 телефондары бойынша хабарлау қажет, дейді мамандар.
Оқи отырыңыз
