Төтенше жағдай қызметкерлері өрт шығу мен уланудың алдын алу шараларын іске асырып жатыр, деп хабарлайды Алтайньюс тілшісі.

Белгілі декреккөздерге сүйенсек, Өскеменде жыл басынан бері 50 жерден өрт шығып, 1 адам қаза болған. 2 адам газдан уланып қалған.

– Құтқарушылар жеке үйлерді бақылап, иелеріне қауіпсіздік шараларын түсіндіріп отыр. Көпбалалы шаңырақтар ерекше бақылауда, – дейді төтенше жағдайлар басқармасының баспасөз қызметкері.

Құтқарушылармен бірге «Өрт сөндіруші» акционерлік қоғамының қызметкерлері де үйлерді аралап, көпбалалы және аз қамтылған отбасылардың пешінің күлін сорғымен тегін шығарып беріп жүр.