Бородулиха ауданына қарасты Жезкент кентінің тұрғындары аз қамтылған отбасыларға, мүгедектер мен қарияларға көкөніс таратты, деп хабарлайды Altaynews тілшісі.

Бұл іс-шара «Мейірім мен құрмет күні» акциясының аясында ұйымдастырылып отыр. Акцияның бастамашысы – кенттегі «Сад» саяжайларының тұрғындары.

Күз мезгілінде адам ағзасы дәрумендерді қажет етеді. Осы мақсатта кент тұрғындары өздерінің бақшаларында өсірген көкөністерін аз қамтылған отбасыларына таратып берді. Кейбіреуі тосап, салат секілді дайын өнімдермен де бөлісті.