Биыл Күршім, Марқакөл ауылдары мен Шемонаиха қаласында бірнеше көшелерге шамдар орнатылады. Бұған дейін қас қарайғанда көшеде жүру қиынға соққанын жеткізген ауыл тұрғындары мәселенің оң шешім тапқанына риза.

- Үстіміздегі жылы Күршім ауылы бойынша Тоқаев, Көлбаев, Абылайхан көшелеріне, Марқакөл ауданы бойынша Абылайхан, Әуезов, Лесная, Б. Момышұлы көшелеріне көше шамдарын орнату жоспарланған. Аталған жұмыстарды атқаруға облыстық және республикалық бюджеттен 129 120,4 мың теңге қаржы қарастырылды, - дейді аудан әкімінің орынбасары Ерлан Шораяқов.

Көшелерді жарықтандыру бойынша Шемонаиха қаласында да бірнеше көшеде шамдар қайта қалпына келтіріледі. Бұл туралы аудан әкімінің орынбасары Бақытжан Молдаханов мәлімдеді. 

- Көше жарығын қалпана келтіру бойынша 23 170,0 мың теңге бөлінді. Осыған орай көше шамдарын орнату жұмыстары басталып кетті. Атап айтсақ, Калинин, Абай, Усвайский, Вербицкий көшелері. Сонымен қоса, Первомайский кенті мен Октябрь ауылындағы люминициялық шамдар жарықдиодты шамдарға ауыстырылады, - дейді Бақытжан Молдаханов.