Қазақстанда 5 шілдеден бастап 14 күнге қалааралық автобустардың қозғалысына тыйым салынды.

Премьер-министр Асқар Мамин төрағалық ететін Мемлекеттік комиссия осындай шешім қабылдады.

"Көлік қатынасы бойынша: Өңірлер арасындағы жолаушылар автобусы қатынасын уақытша тоқтату", - делінген хабарламада. 
 
Сондай-ақ:

1. Елдер тізімін көбейтпей, халықаралық әуе қатынасын сақтау;

2. Өңірлер арасындағы әуе қатынасын, темір жол қатынасын сақтау (шектеулермен);

3. Қоғамдық көліктің жұмысын уақыт бойынша шектеуге шешім қабылданды. 

Сонымен қатар, 5 шілдеден бастап 14 күнге сұлулық салондарының жұмысы тоқтатылды. Одан бөлек, карантин кезінде той жасауға тыйым салынды.