Өскеменде 17 жастағы бозбала суға кетті, деп хабарлайды Altaynews тілшісі.

Құтқарушылар тобы бозбаланың мәйітін бірінші маусым күні тауып алды. Анықталғандай, бала суға түсуге рұқсат етілмеген жерде шомылған екен.

Жазғы маусым басталмай тұрып, төтенше жағдай қызметі қаладағы суға шомылуға тыйым салынған орындардың тізімін жариялаған болатын. Бірақ ескертуге құлақ аспайтындар аз емес.

Ресми деректерге сүйенсек, өткен жылы бес адам тыйым салынған орында шомылып, суға кеткен.