Шығыс Қазақстан облысындағы Аягөз қаласының орталық көшелеріне, сауда орталықтары мен коммуникация нысандарына дезинфекция жасалды, деп хабарлайды Алтайньюс тілшісі.
Аудан әкімінің айтуынша, дезинфекциялық жұмысқа 92 әскери қызметкері жұмылдырылған.
– Дезинфекциялық жұмыстар таңғы сағат 7.00-де басталып, 11.00-ге дейін жалғасады. Қажетті құрал-жабдық негізінен әкімдіктен берілді. Сондай-ақ 16443 әскери бөлімі базасының «Рубеж» деп аталатын құралы қолданылуда. Екі топ жұмыс істеп жатыр. 10810 әскери бөлімдегі танкі бригадасы мен 36376 резервтік бригаданың 2 арнайы көлігі берілді, – дейді Аягөз ауданының әкімі Ділдәбек Оразбаев.