Өскемендегі дәріханаларда медициналық маска таусылды. Тұрғындар өздерінің түрлі инфекциялық аурулардан сақтанғысы келетінін айтып, бұл жәйтқа аса алаңдаушылық білдіруде. 

– Бір адам 20-30 маскадан сатып алып кетіп жатыр. Маскалар сондықтан жетіспей жатыр, – деді дәріханашы.

Еске сала кетейік, жуықта Алтай қаласында бес мектепте карантин жарияланған болатын. Оған себеп: распираторлық вирус инфекциясы.

Тауарлар мен көрсетілетін қызметтердің сапасы мен қауіпсіздігін бақылау департаментінің хабарлауынша, жетіспей жатқан заттардың орыны осы айдың ішінде толтырылады.