Тарбағатайдың өзінен газ шығарылады. Бұл туралы аудан әкімінің баспасөз қызметкерлеріне арналған мәслихатында айтылды, деп хабарлайды Алтайньюс тілшісі.

– Бізге Зайсаннан емес, Қазақстан ауылының маңынан шығарылатын өз газымыз тартылады. Ауылдың маңынан осы мақсатта жер бөлінді. Келесі жылы «Береке» атты компания бұрғылау жұмысын бастайды, – деді аудан әкімі Серікқазы Садуақасов.

Айтуынша, газ ауыл-ауылдарға құбырлар арқылы жеткізілмеуі мүмкін.

– Ауылдардың жанынан газ жинақтаушы салсақ, жұмыс тез бітетін секілді. Өйткені құбыр тартуға көп уақыт кетеді. Қазір осындай ұсыныс айтып отырмыз. Бірақ бұл әлі бекітілген жоқ, – деді Серікқазы Садуақасов.

Оның сөзінше, Ауданда газ тарту жұмысы 5 жыл ішінде аяқталады деп жоспарланған.