Шығыстағы Шошқалы көлінің жағасы да алдағы жылдары адам танымастай өзгеруі мүмкін, деп хабарлайды Алтайньюс тілшісі.

Бесқарағай ауданы да өзен-көлге бай жер. Табиғаты тамылжып тұрған өңірдегі Шошқалының тұзды көліне тұрғындар көбінесе ем іздеп келеді. Мамандардың айтуынша көл суының құрамындағы емдік дүниелер атағы жер жарған әлемдік деңгейдегі курорттардан артық болмаса кем емес.

Аймақтық коммуникация қызметі мамандарының мәліметінше, 2019-2020 жылдарға берілген  инвестициялық ұсынылым негізінде  Шошқалы көлінің жағасы электрмен жабдықталып, жағалау заман талабына сәйкес абаттандырылмақ.