Өскемен көп жылдан бері пойызы бар, перроны жоқ қала болып келді. Сол олқылықтың орны толды, деп хабарлайды Алтайньюс тілшісі.

Перронның жоқтығына қала тұрғындары шағым айтқалы қашан?! Сондай-ақ жуықта ғана «кемшіліктерді көшеде жүріп жырлайтын ерекше ақын» – Ақынгелді көптің көкейінде жүрген мәселеге қозғау салып, жырға қосқан еді. Содан көп ұзамай Өскемен әкімдігінің өтінішімен «ҚТЖ ҰК» АҚ-ның жергілікті филиалы шаруға бел шеше кіріскен болатын.

Анықтап айта кетейік, перрон пойыз вагондарына тұтас жетпейтін. Қазіргі уақытта перрон ұзартылды, халық игілігіне дайын тұр.

 – «ҚТЖ» «ҰК» АҚ басшылығына біздің өтінішімізге үн қосып, өзекті мәселенің түйінін шешкені үшін алғыс білдіремін. Енді барлық жолаушылар вагондарға еш қиындықсыз отыра алады, – деп жазды шаһар басшысы Жақсылық Омар әлеуметтік желідегі парақшасында.

Жолаушылар жаңа перронға қандай көзқарас танытты? Сілтемеге өтіп, көріңіз.

https://www.instagram.com/p/B1Fqwi_g6GF/?utm_source=ig_web_button_share_sheet