Өскемен маңындағы Нұрлыкөш ауылында жер қазып жатқан экскаватор жанып кетті, деп хабарлайды Алтайньюс тілшісі.

Төтенше жағдайлар басқармасының мәліметінше, жұмыс істеп жатқанда мотордан өрт шыққан көрінеді. Көліктің панелі мен салоны жанып кетті. Өрт 13 шаршыметр аумақты алған.

– Оқиға өрт қауіпсіздігін сақтамау салдарынан болған. Өкінішке қарай, осындай себеппен жыл басынан бері 30-дан астам көлік жанып кетті, – дейді басқарманың баспасөз қызметкері.

Төтенше жағдай қызметкерлері өрт шыққан жағдайда уақыт оздырмай  101-ге хабарлау керегін ескертеді.