«Бейбітшілік жүгірісі» эстафетасы тізгінді Күршімге бұрды, деп хабарлайды Алтайньюс тілшісі.

Аудан жұртшылығы спортшыларды 4 тамыз күні орталық алаңында зор құрметпен қарсы алды.

1987 жылдан бері эстафетаға 10 миллионға жуық адам қатысқан. Команда құрамында Казақстан, Ресей, Латвия, Белоруссия мемлекеттерінің өкілдері бар.

Биылғы эстафета 22 шілдеде Ресейдің Омск қаласында басталған болатын. Жол картасы бойынша ендігі кезекте жүгірушілер Өскемен мен Шемонайха қалалары арқылы Омск қаласына қайта оралмақ.

Айтпақшы, әлемдік жүгірушілердің қатарына Күршім, Барақ батыр және Сарыөлең ауылдарының спортшылары да қосылды.