Ақсуат ауылында "Тамшы" балалар театры жас актер, режиссер Бейбіт Құсанбаевтың бастамасымен ашылып отыр, деп хабарлайды Алтайньюс тілшісі.

Айта кетсек, бұл ауылда ашылған алғашқы театр.

Балалар театрын ашу идеясы осыдан 7-8 ай бұрын пайда болған. Бас кезде шығармашылық үйірме ретінде ашылған екен. Ауыл балалары өнерге көптеп тартыла бастаған соң, үйірмені кеңейту туралы шешім қабылданады.

Қазір театрға 60-қа жуық дарынды балалар қатысып, өз өнерлерін шыңдауда. Олар көптеген байқауларға қатысып, жеңіспен де оралып жатыр. Одан бөлек, қайырымдылық концерттерін жиі ұйымдастырып тұрады екен.